მთავარი / პოლიტიკა / საშინაო პოლიტიკა / “არ მომკვდარა, მხოლოდ სძინავს და ისევე გაიღვიძებს”

“არ მომკვდარა, მხოლოდ სძინავს და ისევე გაიღვიძებს”

სოხუმის დაცემა იყო ქართულ-აფხაზური შეიარაღებული კონფლიქტის (1992-93) ბოლო,  გადამწყვეტი  ბრძოლა, რომელსაც შედეგად  ქართველთა ერთ-ერთი უდიდესი დამარცხება მოჰყვა საქართველოს უახლეს ისტორიაში. კონფლიქტი,  რომელიც 13 თვესა და 13 დღეს გრძელდებოდა,  მიმდინარეობდა ქართულ სამთავრობო ჯარებსა და აფხაზ სეპარატისტთა ძალებს შორის, რომელთაც ასევე დამხმარედ ჩრდილოეთ კავკასიიდან დაქირავებული მებრძოლები, კაზაკთა მილიციის შენაერთები და არაოფიციალურად გუდაუთაში განლაგებული რუსეთის სამხედრო ბაზის შენაერთი უჭერდა მხარს.

სოხუმისთვის გადამწყვეტ ბრძოლას წინ უძღოდა შეთანხმება ცეცხლის შეწყვეტისა და სამხედრო ტექნიკის კონფლიქტის ზონიდან გაყვანის შესახებ, რომელიც სოჭში დაიდო 27 ივლისს ორ მხარეს შორის. შეთანხმება 16 სექტემბრამდე გაგრძელდა. ამ დღეს სეპარატისტებმა შეთანხმება დაარღვიეს და ფართომასშტაბიანი იერიში მიიტანეს სოხუმზე ზღვიდან, ჰაერიდან და ხმელეთის მისადგომებიდან. საქართველოს შეთანხმების თანახმად,  ამ დროისთვის მძიმე შეიარაღების დიდი ნაწილი უკვე კონფლიქტის ზონიდან გაყვანილი ჰყავდა. გააფთრებული ბრძოლები გრძელდებოდა 27 სექტემბრამდე, თუმცა,  მასიურ შეტევას სუსტი შეიარაღებით ქართულმა ნაწილებმა ვერ გაუძლეს და ქალაქი საბოლოოდ დაეცა.

ქალაქის აღების შემდეგ შემოსულმა სეპარატისტთა მებრძოლებმა დარჩენილი მოსახლეობის არნახული ხოცვა მოაწყვეს. ადგილობრივი მთავრობის წევრები:  ჟიული შარტავა,  გურამ გაბისკირია და რაულ ეშბა,  რომლებმაც გაქცევაზე უარი თქვეს,  მთავრობის სახლის წინ დახვრიტეს,  ხოლო ალექსანდრე ბერულავა უგზო-უკვლოდ დაიკარგა.  რამდენიმე დღეში სეპარატისტთა ძალებმა აფხაზეთის თითქმის მთელი ტერიტორია დაიჭირეს (კოდორის ხეობის გარდა).

საქართველოს შეიარაღებული ძალების სრულ დამარცხებას რეგიონში ქართული მოსახლეობის ეთნიკური წმენდა მოჰყვა. გადარჩენილი 25000-ზე მეტი ეთნიკურად ქართველი, ბერძენი თუ სხვა უმცირესობები აფხაზეთიდან ლტოლვილ-დევნილად  იქცა.

421622 368739659822978 1167650810 n 300x199 არ მომკვდარა, მხოლოდ სძინავს და ისევე გაიღვიძებს9wfaw 300x216 არ მომკვდარა, მხოლოდ სძინავს და ისევე გაიღვიძებსa11829 300x168 არ მომკვდარა, მხოლოდ სძინავს და ისევე გაიღვიძებსjmhaw 300x192 არ მომკვდარა, მხოლოდ სძინავს და ისევე გაიღვიძებსSukhumirefugees 300x199 არ მომკვდარა, მხოლოდ სძინავს და ისევე გაიღვიძებსtvitmfrinavi soxumi1 300x184 არ მომკვდარა, მხოლოდ სძინავს და ისევე გაიღვიძებსhqdefault4 300x225 არ მომკვდარა, მხოლოდ სძინავს და ისევე გაიღვიძებსhw2uz 300x201 არ მომკვდარა, მხოლოდ სძინავს და ისევე გაიღვიძებსafxazeti 6655 300x225 არ მომკვდარა, მხოლოდ სძინავს და ისევე გაიღვიძებსimage006 300x208 არ მომკვდარა, მხოლოდ სძინავს და ისევე გაიღვიძებს

კომენტარები

კომენტარი

Elcoserv

შესახებ თეკა ზვიადაური

თეკა ზვიადაური
ზემოთ ასვლა